Abian da “Hondakinak kitto!” Kanpaina Sasieta mankomunitateko ikastetxeetan

Abian da “Hondakinak kitto!” Kanpaina Sasieta mankomunitateko ikastetxeetan

Sasieta Mankomunitateko (Gipuzkoako Goierri eta Urola Garaia eskualdeak) Lehen Hezkuntzako eta Derrigorrezko Bigarren Hezkuntzako 22 ikastetxe izango dira ingurumen-hezkuntza kanpaina honen hartzaileak, guztira 1.560 ikasle inguruk parte hartuz. Bederatzigarren urtez jarraian garatuko da eta urritik abendura, hondakinen arazoa eta birziklapenaren inguruko gaiak landuko dituzte ikastetxean Artelatzeko ingurumen-hezitzaile adituen eskutik.

Jorratzen diren ardatzak Hondakinen Murrizketa, Berrerabilpena eta Birziklapena izaten dira batez ere. LH-n bi saio burutuko dira ikastalde bakoitzarekin, bata gelan eta bigarrena patioan. DBH-n aldiz, saio bakarra.

COVID-19 gaitzaren aurrean, parte-hartzaile guztien osasunaren prebentzioa zaintzeko hainbat moldaketa egin dira ekintzetan eta lan-dinamikan; hala ere, kanpainak ohiko funtsa eta erakargarritasuna mantentzen ditu. Biziki eskertzekoa da Sasieta mankomunitateak ingurumen-hezkuntzaren alde bere konpromisoa mantendu izana, bizi dugun egoera zail honetan, eta nola ez, ikastetxeetan izandako harrera bikaina. Kanpainak Ecoembes eta Ecovidrio erakundeen babesa dauka.

Naturaz gozatu nahi al duzu, urrutira joan gabe?

Naturaz gozatu nahi al duzu, urrutira joan gabe?

Naturarekin harreman estua izateak bizimodu osasuntsua lortzeko lagungarria baino, nahitaezkoa dela konturatzen ari da gero eta jende gehiago. Gipuzkoako Parketxe Sareko parketxeetan ateak zabalik dituzte, bisitariak hartzeko eta plan bikainak eskaintzeko. Astero-astero, etxe ondoan ditugun paisaia kultural zoragarriak ezagutzeko eta ulertzeko jarduera bereziak programatzen dituzte   Gipuzkoanatura.eus webgunean dago informazio guztia.

Asteburu honetan, besteak beste, Arantzazu parketxean, bi zapelatz askatuko dituzte larunbatean, Arrano etxean sendatuak izan direnak. Igandean aldiz, familia-taldeei zuzendutako Arantzazuko altxorren bila jolasa egingo da.

Zegamako Anduetza parketxean “Iparra galdu gabe” orientazio jolasa egingo dute larunbatean, eta igandean, San Adrian igarobidearen sekretuak eta azken aurkikuntzak ezagutzera joango dira, Aldaolako aparkalekutik abiatuta.

Arditurriko parketxetik Muniskuegañeko multzo megalitikora egingo dute txangoa larunbatean, Urnieta-Hernani artean dagoen altxorra ezagutzera; igandean, Mineralen bila ibiliko dira familia giroan Arditurri parketxetik abiatuz.

Ataunen, Joxemiel Barandiaranen oinatzetan ibilaldi gidatuan, ikerlari ataundarranen bizitzaren eta lanaren hainbat pasarte emango dira ezagutzera igandean, haren txoko eta inguru kuttunenak bisitatuz.

Aiako Iturraran parketxean ere beste hainbat jarduera interesgarri dituzu (Agorregiko burdinola, Galdutako erlearen bila…).

Bigarren eskuko bizikleten merkatuak irailean

Bigarren eskuko bizikleten merkatuak irailean

Urtero irailaren 16tik 22ra antolatzen den Europako Mugikortasunaren Asteari lotutako ekintza gutxi antolatuko dira aurten, Covid-19 pandemiaren eraginez. Hala eta guztiz ere, bigarren eskuko bizikleten bost merkatu antolatuko ditu Artelatzek beste horrenbeste hirietan.

Lehena, Errenterian izango da ostiral arratsaldean (irailaren 18an), Gamon zumardian. Larunbat goizean (irailaren 19an) Eibarko Untzaga plazan eta Barakaldon izango gara (Anaien parkean); igandean egun osoz (irailaren 20an) Irungo Zabaltza plazan, eta azkenik, irailaren 25ean  Lasarte-Oriako Okendo plazan.

Ahalegin handia egin dugu merkatuen funtzionamendu-protokoloak osasun-prebentzioaren egoera berrira egokitzen, baina horri esker, parte hartuko duten herritar guztiak lasaitasunez hurbilduko dira.

Bizikleten erabilera asko zabaldu da azken hilabeteetan, kirol-jarduerarako ez ezik, eguneroko leku-aldaketak egiteko. Bizikleten sal-erosketek %400 egin omen dute gora gure ingurunean. Testuinguru horretan, herritarren aldetik jasotzen ari garen erantzuna ikusita, merkatuek oso harrera ona izango dutelakoan gaude.

Eskertzekoa da Errenteriako, Eibarko, Barakaldoko eta Lasarte-Oriako udalen eta Txingudiko Zerbitzuak erakundearen ahalegina ekintza horien sustapenean.

Etengabeko prestakuntzan jarraitzen dugu

Etengabeko prestakuntzan jarraitzen dugu

Bizitzen ari garen egoera berri honek aldaketa garrantzitsuak eragin ditu gure lan egiteko moduan ere, eta badirudi gelditu egingo direla aurrerantzean.

Modu ez presentzialean lan egin ahal izateko urrats garrantzitsua egin dugu Artelatzen: areto berezia prestatu, baliabide teknologiko berriekin hornitu eta prestakuntza lan sakona egin dugu. Orain, jarduerak eta material didaktikoa berregokitzen eta berrantolatzen ari gara.

Gipuzkoako Foru Aldundiko Ekonomia sustapeneko, Turismoko eta Landa inguruneko departamenduaren dirulaguntza jaso dugu Bonu Teknologikoak: Telelana programaren eskutik.

Eskerrik asko, bihotzez!

Eskerrik asko, bihotzez!

COVID-19rekin lotutako alarma-egoeraren ondorioz sortutako krisiak ziurgabetasunez betetako paradigma berri batera garamatza, baina baita erronketara ere. Albert Einsteinek zioen bezala, “Krisirik gabe ez dago erronkarik”. Artelatz Ingurumen Zerbitzuak SL ez da bakarrik sentitzen erronka horiei aurre egiten. Buletin honetan, eskerrak eman nahi dizkizuegu gertu egoteagatik eta beste behin ere gure taldean konfiantza izateagatik. Ziur gaude elkarrekin indartsuago aterako garela krisi honetatik, Albert Einstein berriz ere parafreaseatuz Krisia gainditzen duenak bere burua gainditzen du “gaindituta” geratu gabe. Eskerrik asko, bihotzez.

Mitologiaz gozatzen Anduetza eta Arantzazu parketxeetan

Mitologiaz gozatzen Anduetza eta Arantzazu parketxeetan

Azaroko azken igandean eta abenduko lehenengoan, Zegamako Anduetza Parketxean eta Oñatiko Arantzazu Parketxean Marimundukoren ipuin harrigarriak ezagutzeko aukera izan zen. Orain arte urtero ibili izan da pertsonai maitatua Ataungo Barandiaran museoan eta Zegaman kondaira zirraragarriak kontatzen baina aurten estreinekoz izan da Arantzazun.

Pertsonaia mitologikoen laguntzaz, sorginen amak Euskal Herriko hainbat ipuin eta kondaira kontatu zizkien bertaratutako guztiei eta 4 emanaldiak lepo bete ziren, saio oso arrakastatsuak izanik. Parte-hartzaile guztiek asko gozatu zuten euskal kondairak entzuten eta bertatik bertara ikusten.

Mitologia, ipuin edo kontu fantastiko sorta ez ezik, errealitatea esplikatzen duten argibideen multzoa da. Gertakari naturalei aurre egiteko nahiz euren buruak lasaitzeko, mitoak herritarrei ingurunea ulertzen lagundu dien lanabesa izan dira mendeetan zehar. Ataunen Joxe Migel Barandiaranek lan handia egin zuen mitologiaren transmisio soka eten ez zedin eta Jentilbaratza elkarteak lan horri eutsi nahi izan dio emanaldi bikain hauek Aizkorri-Aratzeko parketxeetan eskainiz.

Marimundukok esan bezala, jarrai dezagun gure haurrei euskal mitologiako kondairak kontatzen eta hala bazan eta ez bazan… sar dadila kalabazan eta atera dadila …