Eka 1, 2017 | Hondakinak, Ingurumen hezkuntza, Ura
Munduko populazio guztiak behar luke hondakin uren saneamendu eta garbiketara bidezko irismena, gorozkiak aire librean egiteari amaiera emateko, eta egoera ahulenean dauden pertsonei arreta berezia jarriz.
Txingudiko Zerbitzuak, Behe Bidasoako eskualdeko uraren ziklo integralaren kuadeaketaren arduradun izanik herritarrak kontzientziatu nahi ditu, nahi baino jokaera-ohitura desegoki gehiago gertatzen baitira eta horren. Horrela, arazo larriak sortzen dira herritarrek komuna zakarrontzi modura erabiltzearen eraginez.
Artelatz Ingurumen Zerbitzuak SL enpresa arduratu da EXPO-RETRETE izeneko erakusketa ibiltaria ekoizteaz; bere helburua, herritarrak saneamendu-sarearen erabilera egokiaz kontzientziatzea da. EXPO-RETRETE 2017ko ekainaren 2an zabalduko da BIOTERRA produktu ekologiko, bioeraikuntza, energia berriztagarri eta kontsumo arduratsuaren azoka berezian, FICOBAn (Irun).
EXPO-RETRETE erakusketak bederatzi erakusketa-txoko ditu eta modu parte-hartzailean lantzen dituen gaien artean: uraren ziklo integrala, komuna zakarrontzi modura erabiltzearen arazoa eta saneamendu-sarearen mantenua. Zenbait osagai komunetik edo arraskatik botatzearen tratamendu zehaztua egiten du, hala nola: toailatxo hezeak, janari-hondarrak, suspertzen ari diren kutsatzaileak (botikak eta etxeko hondakin toxikoak), gantzak eta olioak.
Erakusketara hurbiltzen diren herritarrek beraien etxebizitza (Irungoak eta Hondarribiakoak) aurkitzeko aukera izango dute, bai hornidura-sarean bai saneamenduan, komun batean eseri eta egunero-egunero komunetik botatzen ditugun hondakin solido kantitateaz ohartuko dira; izaera ezberdineko toailatxo hezeekin eta komuneko paper hezearekin frogak egiteko aukera izango dute; arratoien arazoa ezagutu eta gurekin jolas egin puzzleak eginaz, saneamendu-sareko hodien diametro erreala kalkulatu, giza gorputzean produktu kutsagarriak irudikatzen dituzten imanak jarri, ponpaketa estazioetan solidoak nola ateratzen diren ikusi bideoetan, sareko filtrazioak nola konpontzen diren… Azken finean, herritarrei oraindik ezezaguna den gai bat gerturatu.
Eka 1, 2017 | Hondakinak, Ingurumen hezkuntza
BIRZIKLIK, Ecoembes, Ecovidrio eta Biboko Udalak antolatutako ingurumen sentsibilizaziorako kanpaina da. Lelo horretan bi hitz elkartu dira birziklatzea eta klik, hitz berri bat sortuz kanpaina izendatzeko. Areatzako pasealekuan kokatuta dagoen instalazioan ekitaldi guztiz berritzailea eta parte-hartzailea abian ipini da ekainaren 1etik 15era. Kanpainaren helburu nagusia hondakinen gaikako bereizketa egokia egitean datza, hau da, plastikozko, metalezko eta brik motako ontziak, zein beirazko, kartoizko ontziak eta papera dagozkien edukiontzietan utziz.
Ekintza kabina informatzailetan eskaintzen da eta oso deigarria gertatzen da Areatzako Zubitik eta hiriguneko beste hainbat puntuetatik. Bertan dagoen pertsonalak herritarrak gonbidatzen dituzte kanpainan parte hartzera honako ordutegian: lanegunetan 11:00etatik 14:00etara eta 16:30etik 19:30era, larunbat eta igandetan berriz, 11:00etatik 14:30era eta 17:00etatik 20:00etara. Zatoz!!
Mart 21, 2017 | Hondakinak, Ingurumen hezkuntza
Artelatzen eskutik Bilboko bigarren hezkuntza eta lanbide heziketako zentroek etxean sortzen diren hondakinen gaikako bilketaren inguruko kontzientziazio eta sentsibilizazio kanpainan parte hartzen dihardute. Zehazki, 16-18 urte bitarteko 1800 neska-mutiko baino gehiago ari dira etxeko hondakinen birziklapen edukietan murgiltzen. Ekimenaren erakunde bultzatzaileen aldetik (BIlboko Udaletxeko Obra, Zerbitzu, Hiri Eraberritze eta Espazio Publikoaren Saila, Ecoembes eta Ecovidrio) eskola komunitatean jarri dira fokoak, honek eguneroko ingurumen gaiekiko duten lotura dela eta, izan gertutasun kurrikularragatik edota lekuan lekuko proiektuetan parte hartzea dela eta. Hezkuntza maila hauetan arreta jarri izanaren arrazoia, gazte hauen esparru pertsonal eta profesionaletan izan ohi dituzten kontsumo errealetako jarraibideekiko gertutasuna izan da, gertutasun horren ondorioz eman daitezkeen ohitura-aldaketak oinarri hartuta, betiere ingurumen bikaintasunari begira. Kanpaina otsailaren 13an hasi zen eta martxoaren 31ean amaituko da.
ETXERA ERAMATEKO 1800 IMAN: errealitate areagotua etxeetan. Imanek kanpainako hiru edukiontzien inguruko informazio orokor bat dute. Keinua eta berritasuna errealitate areagotuaren bitartez gehitzen den informazioaren harira datoz, zeinaren bidez ikaslegoaren konplizitatea bilatzen den, Bilboko etxebizitzetan hondakinen bereizketaren gaia sartzea bermatuz.
Mart 21, 2017 | Hondakinak, Ingurumen hezkuntza
Ugariak dira kale garbiketaren gaiarekin lotutako programa eta ekintzen inguruan galdetzen diguten udal instituzioak. Gai honekiko hiritarren zati batek duen sentsibilitate eskasak, arazo hau udal arduren artean lehentasunezko gaia bilakatzen du.
Egun, Irun eta Hondarribiako Txingudiko Zerbitzuak eta Zestoako Udalarekin lanean dihardugu gai honetan. Bezero bakoitzak, bere behar eta baliabideen arabera, diseinatuak ditugun ekintzen artean hautatzen du. Gai-zerrenda anitza da: txakurren gorotzak, litxarkerien bilgarriak, pintadak, kaleko altzarien hondatzea, kale-zurruta, edukiontzietatik kanpo uzten diren hondakinak, txikle hondarrak, zigarro-puntak, hondakin txikiak oro har…; hortaz, publiko hartzailea ere anitza da. Ekintza espezifikoak lantzen den gaiaren eta publiko hartzailearen araberakoak dira, baina biztanleri orokorrari zuzendutako komunikazio ekintzak, ikastetxe zein elkarteei zuzendutako heziketa tailerrak, sektoreko profesionalekin zuzeneko kontakturako ekintzak, esparru kultural desberdinetako hezitzaileentzako formaziozko programak… izan daitezke.
Hurrengo buletinetan kale-garbiketaren arazoari aurre egiteko esperientzia berriak azaltzea gustatuko litzaiguke.
Abe 22, 2016 | Hondakinak, Ingurumen hezkuntza
Gabonetan bete-betean murgilduta gaude, haurren gabonetako parke bitan: batetik, Irungo Ficoba eraikinean kokatzen den PINean (Txingudiko Zerbitzuak bultzatuta) eta bestetik Donostiako Kursaalekoan (Eusko Jarularitza eta Ecovidriok bultzatuta).
Lehenengoan gaikako bilketaren inguruan jardungo gara, jolas parte-hartzaileen bitartez eta bigarrengoan, beirazko ontzien gaikako bilketa landuko dugu jolas eta tailerren bidez.
Espero dugu, urtero bezala, parte-hartze bikaina izatea.
Abe 1, 2016 | Hondakinak, Ingurumen hezkuntza
Deba eta Mutriku izan dira orain arte Debabarrena Mankomunitatearen barruan materia organikoa modu bereiztuan biltzen ez zuten bakarrak. Horren ondorioz, beren hondakinen gaikako bilketa-tasak %30ean daude, Debabarrenako baxuenak. Sistema berriaren ezarpenak %60a gainditzea eta eskualdeko lehen postuetan jartzea du helburu.
Azaroaren 24 eta abenduaren 23 bitartean ezarriko den sistemak txartel elektroniko batean du oinarria. Txartel honek edukiontzi marroia irekiko du, non materia organikoa botatzeko aukera egongo den, eta baita edukiontzi gris berria ere, orain arte egon den edukiontzi berdea ordezkatuko duena, non birzikla ezin daitezkeen hondakinak botako diren.
Kanpainak komunikazio fase bat izan du, non prentsaurreko bat eskaini, etxebizitza bakoitzera pertsonalizatutako eskutitz bat bidali, bide publiko zein eraikin publikoetan helburu horretarako egokitutako eremuetan kartelak jarri, edukiontzi berdeetan horma-irudiak jarri eta herritarrei zuzendutako informazio hitzaldiak eman diren.
Familiak helburu horretarako egokitu diren aretoetara joan behar dira eta bertan Artelatzeko ingurumen hezitzaile talde batek artatuko ditu. Familia bakoitzak 10 litroko edukiontzi marroi bat jasoko du, baita poltsa konpostagarriak, txartel elektronikoa eta birziklapenerako gida erabilgarri bat ere, azken honetan hondakinak bereizteko zalantza nagusiak argitzen direla.
Kanpaina hau ekoizle bereziei ere zabaltzen zaie (saltoki, ostalaritza, zerbitzuak, udal-bulego…), zeinentzako bakoitzaren beharren araberako berariazko materiala dagoen.
