Edukiontzi marroia ailegatu da jadanik Urnietako herrira. Bizilagunek izena-emateko orduan izan duten harrera ikusita esperientzia arrakastatsua izango dela uste dugu. Biztanleriaren ehuneko 65ak -1.435 familia- izena eman du edukiontzi marroian materia organikoaren bilketarekin hasteko. Artelatzeko teknikarien esanetan Gipuzkoan edukiontzi marroiaren bitartez materia organikoa biltzen ari den herrien artean partehartze altuenetarikoa da. “Edukiontzi hau irekitzeko giltza berezia behar denez, aldez aurretik informazio-kanpaina bat abian jarri du Udalak herrian biztanleriak egin behar dituen urratsak jakinarazteko. Etxe guztietan ipinitako afitxen bidez urnietarrek izena eman dute eta materia organikoa birziklatzeko materiala jaso dute, hots, poltsa bereziak, giltza, eskuorria “oso argi agertu da zer den edukiontzi marroian bota daitekeena, eta zer ez”
Urnietako %65ak materia organikoa bilduko du
