Europako natura-parkeen eguna Gipuzkoako parketxeetan
Maiatzaren 24an Europako natura-parkeen eguna ospatuko da, EUROPARC federazioaren ekimenez. Egun berezi honi merezi duen garrantzia emateko, Gipuzkoako Parketxe Sarea fundazioak orientazio jolasak antolatu ditu Gipuzkoako lau natura-parkeetan maiatzaren 27an nahiz 28an. Jarduerak familian edo taldean egiteko atonduak daude, doakoak izango dira eta familia edo talde guztiek opari bana jasoko dute bukaeran.
Iturraranen 27an, larunbatez, izango da orientazio jolasa eta gainetiko parketxeetan 28an, igandez, toki guztietan goizeko 11tatik aurrera. Izena ematea ezinbestekoa da. Askotariko gaiak izango dituzte ardatz: Intxisuak (Arditurri, Oiartzun), landaretza (Iturraran, Aia), mitologia (Barandiaran museoa, Ataun), basoa (Anduetza, Zegama), animaliak (Arantzazu, Oñati).
Urteurren honek duela mende bat baino gehiago Suedian Europako lehen parke nazionalak izendatu izana gogorarazten du.
Informazio xehatua jasotzeko, jo gipuzkoanatura.eus web orrira.
Adinekoak, birziklatzen lehenak
Artelatz SLk Bizkaiko Lurralde Historikoko adinekoen zentroei zuzendutako proiektu bat garatu du 2022aren amaieratik, Ecoembesek bultzatuta, eta apirilean amaitu da. Programan honako zentro hauek sartu dira: egoitzak, eguneko zentroak, tutoretzapeko apartamentuak eta adinekoen beste zentro batzuk. Proiektuaren helburua zen gaikako bilketa-sistema bat ezartzea halakorik ez zuten edo gabeziak zituzten zentroetan, eta, horrekin batera, langileak prestatzeko eta erabiltzaileak sentsibilizatzeko jarduerak egitea.
Adinekoei zehazki zuzendutako ekimen berria da, funtsezkoa baita ingurunea, ingurumena eta birziklapena zaintzen inplikatzea. Kolektibo garrantzitsu bat osatzen dute, eta kolektibo horren kontzientziazio-maila funtsezkoa da dauden zentro, egoitza eta adinekoen beste zentro batzuetan, horien bidez, haiek kudeatzen dituzten pertsonak birziklatzearen kulturara erakartzeko. Programaren helburua bikoitza izan da:
1) Adinekoekin konektatzea eta haien beharretatik, interesetatik eta nahietatik birziklatzera hurbiltzea, haiek ahaldunduz eta birziklatzearen bidez ingurumena zaintzeko erronka komunean ezinbestekoak senti daitezen;
2) Birziklapenaren kalitatea hobetzea eta adinekoen kolektiboaren eta ingurunearen arteko tasa handitzea.
Nahiz eta COVIDa dela-eta bisitak jasotzeko zailtasun gehiago izan, oro har, programak harrera ona izan du, eta zentroek esker ona adierazi dute, batez ere, erabiltzaileei prestakuntza emateagatik eta Ecoembesen webgunean adinekoekin garatzeko aurkeztutako baliabideengatik. Hasierako helburutik 188k programan parte hartzea lortu da, hau da, helburuaren % 84k bat egin du programa honen bidez birziklatzeko ekimenarekin. Eskerrik asko!
Artelatzek Txingudiko Zerbitzuen Agenda2030 garatu du
Garapen jasangarrirako Agenda2030 ekintza-plan unibertsala, integrala eta eraldatzailea da, eta giza garapena sustatzera bideratuta dago, izaera jasangarriarekin, gizartearen, ekonomiaren eta ingurumenaren esparruan. Toki-erakundeentzako erronka toki-mailan egokitzea da, garatzen dituen eskumenen arabera.
Txingudiko Zerbitzuak erakundeak erabaki zuen bat etorri behar zuela Garapen Jasangarriko Helburuekin (GJH), eta kuantifikatu behar zuela zein zen 2030eko Agendari egin ziezaiokeen ekarpen potentzial eta erreala. Horretarako, Artelatzi agindu zion bere Agenda2030 propioa garatzeko.
Prozesuan 17 eragilek parte hartu dute, Txingudiko Zerbitzuen gerenteak gidatuta, hau da, toki-erakundeko sail guztiek, bertako arduradun nagusiek eta arlo-eskumenetan erantzukizun handiena duten teknikariek.
Txingudiko Zerbitzuak bat datoz Garapen Iraunkorreko Helburuekin (GJH). Izan ere, erakundeak 17 GJHetatik 13tan lagundu dezakeela pentsatu da. Horien artean, ordena honetan, honako hauek nabarmentzen dira: 6 GJH: Ur garbia eta saneamendua; 7, Energia eskuragarria eta ez-kutsatzailea; 12, Ekoizpena eta kontsumo arduratsua; 8, Lan duina eta hazkunde ekonomikoa; eta 11, Hiri eta komunitate jasangarriak.
Metodologiari dagokionez, alderdirik garrantzitsuenetako bat Txingudiko Zerbitzuek hautatutako 13 GJH bakoitzean izan dezaketen eragin-maila maximoa kuantifikatzea izan da. Ondoren, aginte-taula bat osatu da, eta, bertan, 38 helmuga, 137 ekintza eta 18 eragileek ezarritako 97 adierazle txertatu dira. Informazio horren ondorioz, Txingudiko Zerbitzuek 2030 Agendari egindako ekarpena kuantifikatu da.
Bidean, 13 GJHak modu independentean aztertu dira. Horietako bakoitzean honako hauek ikus daitezke: jarduera-eremua, helmugen, ekintzen eta adierazleen kopurua, helmugen eta horien jarduera-arloaren xehetasuna, ekintzen eta adierazleen garapen-maila, adierazle bakoitzaren bilakaera, eta, azkenik, GJHari egindako ekarpena eta hurrengo urteetan izango duen bilakaera.
Eskerrik asko eta laster arte!
Urte oparoa parketxeetan
Gipuzkoako Parketxe Sareko lantalde osoaren partez eskerrak eman nahi dizkiogu natura-parkeetatik antolatu ditugun saioetan parte hartu duten herritar eta ikastalde guztiei. Gertuen daukagun ingurunea ezagutzera ematen, gozatzen eta zaintzen jarraituko dugu datorren urtean ere eta bide hori zuekin guztiekin batera egitea desio dugu.