Maiatzean zehar, udaberriko giroa aprobetxatuz, parketxeetan askotariko jarduerak antolatu ditugu. Gai anitzak landuko dira adituen eskutik Aiako Harria, Aralar eta Aizkorri-Aratz Natura Parkeetan burutuko diren jardueretan, besteak beste, egitarau zabal honi hasiera emateko, igande honetan, maiatzaren 3an, txori kantuak ezagutzeko ibilaldia egingo da Mikel Olanorekin Anduetza Parketxetik abiatuta. Ibilaldi horrek aukera paregabea eskaintzen du entzumena landuz naturaz ikasi eta gozatzeko. Informazio gehiago: parketxesarea.org
Txoriez gain, geologia, narrastiak eta anfibioak ere protagonista izango dira beste jardueretan. Ander Izagirre adituak, gure natura parkeetako narrasti eta anfibioak ezagutzen lagunduko digu egingo diren ibilaldi ezberdinetan:
- Maiatzak 9, larunbata, Arkakatik abiatuta 21:00etan. Aralarko Natura Parkea
- Maiatzak 17, igandea, Lizarrustitik abiatuta 10:00etan. Aralarko Natura Parkea
- Maiatzak 24, igandea, Errenterian kokatzen den Listorretako parketik abiatuta 10:00etan. Aiako Harria Natura Parkea
Maiatzaren 10an ere, hitzordu berezia daukagu Aiako Harrian, izan ere, Felix Ugarte Espeleologia Elkarteko kide den Txomin Ugaldek geologia eta meatzaritzako ibilaldia gidatuko du. Jakina da gune honek geologia aberatsa duela eta berebiziko garrantzia izan duela meatzaritza arloan antzinatik.
Jarduera guzti hauetan parte hartzeko, plazak mugatuak direnez, erreserba egitea gomendatzen da Parketxeetara deituz edo posta elektronikoz:
- Anduetza Parketxea: anduetza@gipuzkoamendizmendi.net 943 80 21 87
- Arditurriko Parketxea: arditurri@gipuzkoamendizmendi.net 943 49 50 69
- Aralarko Parketxe Hedatua: barandiaran@gipuzkoamendizmendi.net 943 18 03 35