Hondakinen zati organikoa bildu eta tratatzeko bi auzokonpostaje gune abian jarri ditu Lasarte-Oriako Udalak Sasoeta eta Atsobakar auzoetan, etxola itxurako egitura banarekin. Guztira, 44 familiak eman dute izena, Sasoetan 21ek eta Atsobakarren 23k. Lehendik ere Zabaleta auzoan bada aurrera daraman ekimen bat, bertako auzokideek sustatuta. Informazio euskarriak banatzeaz gain, bilerak egin ziren ekimena azaltzeko. Izena emandakoekin prestakuntza saioak egin dira, kuboa eta giltza emanaz. Errenteriako Udalak ere, Fanderia eta Agustinak auzoetan informazio bilerak egin ditu auzokonpostaje ekimenak abian jartzeko. Udaberri aldera prestatuko dira guneak eta ikastaroak egingo dira izena emandakoekin. Gaztaño auzoan ere, auzkonpostaje gunea berriztatuko da, parte-hartzea zabalduz eta prestakuntza saio bat antolatuz.
Auzokonposta Lasarte-Oriara eta Errenteriara ailegatu da
