Duela egun gutxi Oñatiko Udalak auzokonpostajea egiteko lehenengo lau guneak estreinatu zituen, Oñatiko alkatea, Mikel Biain; Ingurumen zinegotzia, Leire Egaña eta bertako teknikaria den Aitor Gerenabarrena bertaratu zirelarik. Emaitzak ikusita eta Oñatiko biztanleriaren erantzuna eta izena eman duten lagunen kopurua kontuan hartuta, arrakasta handikoa izaten ari dela esan dezakegu. Artelatz Ingurugiro Zerbitzuak kooperatibaren teknikariek auzokonpostari buruzko trebakuntza tailerrak eta hitzaldiak eskaini dituzte martxoan zehar esperientzia honetan parte hartu nahi duten biztanleak trebatzeko. Gogora arazten dizuegu lehenengo fase honetan kanpoan geratu diren familientzat aurrerago abian jarriko diren beste zenbait toki daudela, 16 hain zuzen ere. Eskerrik asko partehartzeagatik!
Oñati auzokonpostajean murgilduta
