EXPO-RETRETE ERAKUSKETA

EXPO-RETRETE ERAKUSKETA

Munduko populazio guztiak behar luke hondakin uren saneamendu eta garbiketara bidezko irismena, gorozkiak aire librean egiteari amaiera emateko, eta egoera ahulenean dauden pertsonei arreta berezia jarriz.

Txingudiko Zerbitzuak, Behe Bidasoako eskualdeko uraren ziklo integralaren kuadeaketaren arduradun izanik herritarrak kontzientziatu nahi ditu, nahi baino jokaera-ohitura desegoki gehiago gertatzen baitira eta horren. Horrela, arazo larriak sortzen dira herritarrek komuna zakarrontzi modura erabiltzearen eraginez.

Artelatz Ingurumen Zerbitzuak SL enpresa arduratu da EXPO-RETRETE izeneko erakusketa ibiltaria ekoizteaz; bere helburua, herritarrak saneamendu-sarearen erabilera egokiaz kontzientziatzea da. EXPO-RETRETE 2017ko ekainaren 2an zabalduko da BIOTERRA produktu ekologiko, bioeraikuntza, energia berriztagarri eta kontsumo arduratsuaren azoka berezian, FICOBAn (Irun).

EXPO-RETRETE erakusketak bederatzi erakusketa-txoko ditu eta modu parte-hartzailean lantzen dituen gaien artean: uraren ziklo integrala, komuna zakarrontzi modura erabiltzearen arazoa eta saneamendu-sarearen mantenua. Zenbait osagai komunetik edo arraskatik botatzearen tratamendu zehaztua egiten du, hala nola: toailatxo hezeak, janari-hondarrak, suspertzen ari diren kutsatzaileak (botikak eta etxeko hondakin toxikoak), gantzak eta olioak.

Erakusketara hurbiltzen diren herritarrek beraien etxebizitza (Irungoak eta Hondarribiakoak) aurkitzeko aukera izango dute, bai hornidura-sarean bai saneamenduan, komun batean eseri eta egunero-egunero komunetik botatzen ditugun hondakin solido kantitateaz ohartuko dira; izaera ezberdineko toailatxo hezeekin eta komuneko paper hezearekin frogak egiteko aukera izango dute; arratoien arazoa ezagutu eta gurekin jolas egin puzzleak eginaz, saneamendu-sareko hodien diametro erreala kalkulatu, giza gorputzean produktu kutsagarriak irudikatzen dituzten imanak jarri, ponpaketa estazioetan solidoak nola ateratzen diren ikusi bideoetan, sareko filtrazioak nola konpontzen diren… Azken finean, herritarrei oraindik ezezaguna den gai bat gerturatu.

Añarbeko Urak-en instalazioetara bisita gidatuak urritik aurrera

Añarbeko Urak-en instalazioetara bisita gidatuak urritik aurrera

Aguas de Añarbe-Añarbeko Urak doako bisita gidatuen zerbitzua jartzen du herritarren eskura, urtegiak, edateko uren araztegiak eta hondakin uren araztegiak bisitatzeko. Bisitatu daitezken instalazioak Añarbeko urtegia, Loiolako hondakin uren araztegia eta Petritegiko edateko uren araztegia dira. Bisita gidatu hauen bitartez, bisitariek uraren kudeaketaren nondik-norakoak ezagutu eta ur kontsumoari buruz sentsibilizatzen dira.

Endara urtegiaren 25. urteurrena ospatzen

Endara urtegiaren 25. urteurrena ospatzen

Duela gutxi Endara urtegiaren 25. urteurrena ospatu dugu Txingudiko zerbitzuekin batera. Urteurrena eta Uraren Nazioarteko eguna zela eta ate irekien eguna antolatu genuen bai Hondarribiatik bai Irundik abiatuta, urtegia bisitatzeko. Ingurumen hezitzaile batek Irungo eta Hondarribiako hornitze eta saneamendu sistemak nolakoak diren azaldu zuen 39 lagunen artean. Gainera, oraingo bisitan urtegia 1984. Urtean sortu zenetik izan duen bilakaera ere ezagutzeko aukera izan zuten. Bisita hauetan ingurumen sentsibilizazioa lantzen dugu bai taldeekin, elkarteekin eta ikastetxeekin..